Nejaušs dzejolis
nejaušs dzejolis

Iesaki dzejoli draugiem:

Burīs, burīs


Pīsadurīs, atsadurīs,
Dūmys spryust kai siņču durīs.
Pīsaturīs, atsaturīs,
Nasaprozdams, kū tī burīs.

Kai lai atrūn ailei golu?
Nasaīt, byus jōsvīž molā.
Kai lai tod es pīsadolu?
Aiļōtōjs tok, golu golā!

Pīsadurīs, atsadurīs
Dūmys īspryust siņču durīs,
Bet, kod breidi pasaburīs,
Dūmu ceplis otkon kurīs.

Atsaturūs, sasaturūs,
Kai pa rugōjim es burūs.
Kurā ailē spolvu turu,
Tī es otkon atsaduru.

Kritiki jau tū viņ gaida,
Lai var pasasmīt bez naida, -
Kurs ta itū drukā laide,
Taidys ailis jōatraida!

Tai, vot, lieneitem es burūs,
Apraksteitōs lopōs turūs.
Vaira nasaprozdams, kuru
Redaktori sauks par „šļuru”.
Viedokļi par dzejoli
 Susurlacic  2017-02-01 12:48 
Pīsadurīs, sazatūries- tavi tūļein īvers durīs :)
 bariss  2017-02-01 13:41 
Pareizi būtu - pīsadurīs, sazaturīs - tevi tiuleņ īviers durīs.

Bet nu gaidīšu,
kurš tas būs:))
 klusaisMiileetaajs  2017-02-03 12:22 
Es kā čiuls neko nesaprat.
Komentēt šo dzejoli
Vēlies komentēt šo dzejoli?



on-line.lv
Lietojam sīkfailus, lai personalizētu saturu un reklāmas. Sapratu